दलिय संरक्षणमा भइरहेको ब्यापक भ्रष्टाचारका विरुद्धमा मेरो उम्मेदवारी: खड्का


फत्तेपुर/ सप्तरी क्षेत्रनं १ को क निर्वाचन क्षेत्रबाट मधेस प्रदेश सभा सदस्यमा पदमा स्वतन्त्र उम्मेदवारी दिएका शम्भु बहादुर खडकाले दलिय सिन्डिकेट द्वारा लादिएको जातिबाद क्षेत्रीयता बाद तथा नाताबादका विरुद्ध र दलिय संरक्षणमा भइरहेको ब्यापक भ्रष्टाचारका विरुद्धमा मेरो उम्मेदवारी रहेको बताएका छ्न।
नेकपा माओवादी केन्द्र बाट राजिनामा दिएर स्वतन्त्र उम्मेदवारी दर्ता गराएका सहकारी अभियान्त खड्काले टेबुल पंखा चुनाव चिन्ह् पाएका छन् । उनी यतीबेला टेबुल पंखा चुनाव चिन्ह् लिएर दलिय गठबन्धनका उम्मेदवारलाई टक्कर दिने हिसावले मैदानमा उत्रेकाछन् ।
घरदैलो अभियानलाइ तिब्र बनाइ रहेका खड्का मतदातालाइ आफ्नो चुनाव चिन्ह् टेबुल पंखामा मतदान गर्न आग्रह गर्दै मतदाताहरुको घरघर पुग्ने गरेका छ्न । स्वतन्त्र प्रदेश सभा सदस्य उम्मेदवार खड्काको उम्मेदवारीले दलिय गठबन्धनका उम्मेदवारहरु मै हलचल पैदा भएको स्थानीय जङ बहादुर सुबेदिले बताए। यो क्षेत्रमा स्वतन्त्र उम्मेदवार शम्भु बहादुर खड्काको जितलाई कसैले रोक्न नसक्ने दावी गरेकाछन् । सप्तकोसी नगरपालिका फत्तेपुर मा रहेको त्रियुगा सहकारीको सन्चालक समितिको अध्यक्ष भएर बिगत २५ बर्ष देखि सहकारी आन्दोलनमा लागेका खड्का जिल्लाको सहकारी अभियान्तको रुपमा परिचत रहेकाछन् ।त्रियुगा सहकारी को अध्यक्ष देखि राष्ट्रिय सहकारी बिकास बोर्डको बोर्ड सदस्य समेत भएका खड्का आफ्नो २५ बर्षिय सहकारीको अनुभव लाइ जनताको दैनिक जिबनसंग जोड्दै सरकार ,समुदाय तथा सहकारीको तिन खम्बे निति अनुकुल योजना बनाइ यस क्षेत्रका समुदायको आर्थिक स्तर उन्नतिको लागि पहल गर्ने लगायतका १३ बुदे प्रतिबद्धता पत्र जारि गर्दै चुनावी मैदान मा उत्रिएका छ्न।

आफुले यो जिबनकालमा भोगेका अनुभवहरुलाइ प्रयोग गर्दै युवा स्वरोजगार संग जोड्दै ब्याप्त रहेको बेरोजगारी समस्या को समधान गर्ने तर्फ योजना रहेको र आफुले चुनाव जितेपछि युवाको विकास र युवालाई रोजगारी दिलाउन कम्मर कसेर लाग्ने बताएकाछन् ।
मतदाताको घरदैलोमा आफु पुग्दा आफुले मतदाताको अपार माया“ र स्नेह पाएकाले समेत यस पटक आफुले प्रदेशसभा सदस्यमा जित हात पार्ने खडकाको भनाइ रहेको छ । सप्तरी क्षेत्रमा १ क मा एमाले र जसपा गठबन्धनका उमेदवार राजकुमार लेखि र सत्ताधारी गठबन्धनका का बेचन प्रसाद चौधरी नेपाली काङ्ग्रेस बाट बिद्रोह गरेर स्वतन्त्र उम्मेदवारी दिएका हेमराज तातेड लगायत ११ जनाले प्रदेश शभा सदस्य पदमा उम्मेदवारी दिएका छन।

