सप्तरीसँग जोडिएका सम्पुर्ण सिमा नाकाहरु ३ दिनका लागि बन्द हुने

फत्तेपुर / मंसिर ४ गते हुने प्रतिनिधि र प्रदेशसभा सदस्य निर्वाचनका लागि सप्तरीसँग जोडिएका नेपाल–भारत सिमा नाकाहरु ३ दिनका लागि मंसिर १ गते देखि बन्द हुने भएको छ ।
मंसिर १ गते राति १२ बजेदेखि २०७९ मंसिर ४ गते राति १२ बजे सम्म ७२ घण्टा सम्म सम्पुर्ण सीमा नाका बन्द गर्ने निर्णय गरेको सप्तरीका प्रमुख जिल्ला अधिकारी भूपेन्द्र थापाले बताएका छ्न ।
प्रतिनिधि र प्रदेश सभा निर्वाचनलाई स्वतन्त्र, निष्पक्ष एवं भयरहित वातावरणमा सम्पन्न गर्नका लागि सप्तरी जिल्लासँग जोडिएका नेपाल–भारतका सम्पुर्ण सीमा तथा नाकाहरु बन्द गर्न लागिएको प्रजिअ थापाले बताएका छ्न ।
त्यसैगरी बिहिबारदेखि जिल्ला प्रशासन कार्यालय सप्तरीले प्रबाह गर्ने सेवा समेय कटौती गर्ने भएको छ ।
जिल्ला प्रशासन कार्यालयमा कार्यरत अधिकांश कर्मचारीहरु निर्वाचनको तयारी र मतदान केन्द्रहरुमा खटिने भएको हुँदा मंसिर १ गतेदेखि ५ गतेसम्म अत्यावश्यक सेवा वाहेकका सम्पुर्ण सेवाहरु बन्द रहने प्रमुख जिल्ला अधिकारी थापाले जानकारी दिए ।
कार्यलय बाट प्रबाह हुने सेवा कटौती बाट पुग्न जाने असुविधाप्रति क्षमाप्रार्थी छौं प्रमुख जिल्ला अधिकारी थापाद्वारा जारी सुचनामा भनिएको छ ।