कंचनपुरमा स्कारपियोबाट १२० किलो गाजाँ सहित दुई जना प्रहरी नियन्त्रणमा
उत्सव आचार्य, कंचनरुप / सप्तरीको कंचनपुर प्रहरीले १ सय २० किलो लागुऔषध गाजाँ सहित मंगलबार २ जनालाई नियन्त्रणमा लिएको छ । कञ्चनरूप ०७ स्तिथ प्रहरी चौकी धरमपुर सप्तरीको चेक पोइन्टमा खटिएको प्रहरी टोलीले बिहानको ८:३० बजेको समयमा फत्तेपुर देखी कञ्चनपुरतर्फ आउँदै गरेको सेतो रङगको बिआर ०७ बिए ४५७८ नम्बरको स्कारपियो गाडी शंकास्पद लागी रोकी चेकजाँच गर्दा स्कारपियो भित्र गाँजा बरामद भएको हो ।प्रहरीले स्कारपियो चालक जिल्ला सिरहा भगवानपुर गाउँपालिका वडा नं.०४ बस्ने महेन्द्र चौधरीको छोरा वर्ष ३७ को चन्देश्वर चौधरी र सह-चालक भगवानपुर गाउँपालिका ०२ बस्ने धनजित यादवको छोरा वर्ष ६० को राम दुलार यादवलाई गाँजा सहित नियन्त्रणमा लिएको हो ।
स्कारपियो भित्र लुकाइ छिपाइ राखिएको ५ वटा बोरामा १ सय २० किलो लागुऔषध गाजाँ बरामद गरिएको इलाका प्रहरी कार्यालय कञ्चनरूपले जनाएको छ ।
बरामद भएको गाँजासहित दुई जनालाई नियन्त्रणमा लिइ आवश्यक कानुनी प्रकृया अगाडी बढाइएको प्रहरीले जनाएको छ ।
