बरमझियामा ट्यांकरले मोटरसाइकललाई ठक्कर दिँदा दुई जनाको मृत्यु
कञ्चनरूप , ३२ साउन । सप्तरीको कञ्चनरुप नगरपालिका- ३ बरमझियास्थित पूर्व-पश्चिम राजमार्गमा शुक्रबार ट्यांकरले मोटरसाइकललाई ठक्कर दिँदा दुईजनाको मृत्यु भएको छ ।
नेपाल आयल निगमको को १ ख ७४१४ नम्बरको डिजेल बोकेको ट्यांकरले विपरीत दिशाबाट आउँदै गरेको प्र १–०२–०४७ प १२८० नम्बरको मोटरसाइकललाई ठक्कर दिँदा मोटरसाइकल सवार दुई जनाको मृत्यु भएको हो।
दुर्घटनामा सुनसरीको हरिनगर गाउँपालिका–३ गौतमपुरका ४१ वर्षीय महेश कुमार मेहता र सोही ठाउँका ४२ वर्षीय जयप्रकाश मेहताको उपचारको क्रममा मृत्यु भएको सप्तरी प्रहरीले जनाएको छ ।
दुर्घटनामा गम्भीर घाइते भएका मेहताको कञ्चनरुप नगरपालिका–१२ स्थित धर्मेश्वर अस्पतालमा उपचारपश्चात गजेन्द्र नारायण सिंह अस्पताल राजविराज पठाइएकोमा मृत्यु भएको प्रहरीले जनाएको छ।
ट्यांकर चालक सिरहाको कर्जना नगरपालिका–३ का ३२ वर्षीय मिथलेश यादव समेत घाइते भएका छन्।
उनको कञ्चनरुपस्थित धर्मेश्वर अस्पताल धरमपुरमा उपचार भइरहेको छ ।
दुर्घटनाग्रस्त मोटरसाइकल र ट्यांकर इलाका प्रहरी कार्यालय कञ्चनरुप सप्तरीको नियन्त्रणमा राखिएको छ ।