फत्तेपुर / सप्तरीमा यसपालिको देउसीभैलो , साँस्कृतिक कार्यक्रमहरु बेलुका ७ बजेसम्म मात्र खेल पाईने भएको छ । आउदै गरेको दिपावलि छैठ लाइ मध्यनजर गर्दै जिल्ला प्रशासन कार्यालय सप्तरीले बिहीबार एक सूचना जारी गर्दै देउसीभैलो र विभिन्न साँस्कृतिक कार्यक्रमहरु बेलुका ७ बजे सम्म मात्र खेल्न पाइने जानकारी गराएको छ ।
सप्तरीका प्रमुख जिल्ला अधिकारी भुपेन्द्र थापाद्वारा जारी सुचनामा उल्लेखित सूचना विपरीत कार्यहरु गरेको पाईएमा संलग्न जो सुकैलाई प्रचलित कानुन बमोजिम कारबाही हुने जनाएको छ । चाड पर्बको समयमा व्यापारी,व्यवसायीहरुले अखाद्य बस्तुको उत्पादन, बिक्री वितरण, अस्वाभाविक मुल्यबृद्धि, कालो बजारी लगायतका गैर कानुनी क्रियाकलापहरु नगर्न नगराउनु हुन सुचित गरिन्छ, सुचनामा भनिएको छ, साथै चाडवाड मनाउने सिलसिलामा देउसी भैलो जस्ता साँस्कृतिक कार्यक्रमहरु वेलुकी ७ बजे भित्र व्यवस्थित रुपमा सम्पन्न गर्न र अनावश्यक पटका, ध्वानी प्रदुषण, (डिजे प्रयोग) होहल्ला जस्ता अवाञ्छित एवम शान्ति सु–व्यवस्थामा खलल पुर्याउने गतिविधिहरु नगर्न नगराउन समेत अनुरोध गरेको छ ।
चाडपर्वको बेला उक्त कार्यहरु गरेको पाईएमा संलग्न जो सुकैलाई प्रचलित कानुन बमोजिम कारबाही हुने व्यहोरा समेत यसै सूचनाद्वारा सुचित गरिन्छ जिल्ला प्रशासन कार्यालयद्वारा जारी सूचनामा उल्लेख छ । शुभ दिपावली, छ्ठ पर्व र नेपाल संवतको अवसरमा सम्पूर्ण जिल्लावासी दाजुभाइ तथा दिदीबहिनीहरुमा हार्दिक मंगलमय शुभकामना व्यक्त गर्दछौं प्रजिअ थापाले हस्ताक्षरित सूचनामा जनाएको छ ।

Facebook Comments Box