सप्तरीमा ट्रयाक्टर आफै अनियन्त्रित भएर दुर्घटना हुँदा एक जनाको मृत्यु

कञ्चनरुप । सप्तरीमा ट्रयाक्टर आफै अनियन्त्रित भएर दुर्घटना हुँदा एक जनाको मृत्यु भएको छ ।
आइतबार बिहान सप्तरीको बोदेबर्साईन नगरपालिका ३ को सारसर पूर्वारी टोलस्थित भित्री सडक खण्डमा सारसरबाट धनगढी तर्फ जाँदै गरेको गरेको प्र २–०१–००१ त २५१७ नम्बरको ट्रयाक्टर आफै अनियन्त्रित भएर बाटोको बाँया पटी पल्टिँदा चालकको मृत्यु भएको हो ।
सोही नगरपालिकाको वडा नम्बर १ धनगढी बस्ने २२ वर्षीय पंकज यादवको घटनास्थलमा नै मृत्यु भएको जिल्ला प्रहरी कार्यालय सप्तरीले जनाएको छ ।
प्रहरीले घटनास्थलमा पुगेर मुचुल्का उठाई थप अनुसन्धानको प्रक्रिया अगाडि बढाएको छ ।