सप्तकोसीमा बालिकालाई यौन दुरुपयोग गरेको आरोपमा एक शिक्षक पक्राउ
सप्तकोसी / सप्तरीको सप्तकोशी नगरपालिका को एक विद्यालयमा अध्यनरत छात्रालाई यौन दुरुपयोग गरेको आरोपमा एक शिक्षक पक्राउ परेका छन्। शिक्षकले आफ्नै विद्यार्थी छात्रालाई यौन दुरुपयोग गरेको आरोपमा विद्यालयका कम्प्युटर शिक्षक रमेशकुमार राउत पक्राउ परेका हुन।
बिधालयमा करारमा कार्यरत शिक्षक धनुषाको सवैला नगरपालिका ३३ बर्षिय रमेशकुमार राउतले आफ्नै विद्यार्थीलाइ यौन दुरुपयोग गरेको आरोपमा मंगलबार प्रहरीले पक्राउ गरेको छ।
शिक्षक राउतले विद्यार्थीलाइ प्राक्टिकल विषयमा राम्रो अंक दिने र केहि विषयमा कुरा गर्नुछ भन्दै कक्षाकोठामा बोलाएर यौन दुरुपयोग गर्न खोजेपछि आफू चिच्याएको पीडित छात्राले प्रहरी समक्ष बयान दिएकी छिन्।
कक्षा कोठामा बोलाएर शिक्षकले छात्रालाई जिउमा सुम्सुम्याउने, कपाल तान्ने, जस्ता क्रियाकलाप गर्न थालेपछि छात्राले हल्ला गरेको थाहा पाएपछि बिधालय हात भित्र रहेका विद्यार्थीले हो हल्ला गरि अभिभावक बोलाइ शिक्षकलाई नियन्त्रणमा लिएर प्रहरीलाई खवर गरेका थिए।
पीडित छात्राका आफन्तले बुधबार इलाका प्रहरी कर्यालय कंचनपुरमा शिक्षकविरुद्ध उजुरी दिएको इलाका प्रहरी कार्यालय कञ्चनपुरका अनुसन्धान अधिकृत राजाबाबु ठाकुरले जानकारी दिए।
पक्राउ परेका शिक्षकलाई बुधबार सप्तरी जिल्ला अदालतबाट ५ दिनको म्याद थप गरि यौन दुरुपयोग कसुरमा अनुसन्धान भइरहेको ठाकुरले बताए ।